gladhen gawe cerkak

Iki tuladha kanggo gladhen gawe cerkak lan nengeri tembung sing ana bentuk morfologi, polimorfemis non murni. Muga-muga manfaat J

1.      Cerkak

Bocah Nomer loro

“lan.. lan.. iki wis jam pira? Jam 7 kurang seprapat durung mangkat?!.. kae duitmu nang duwur lemari abang anane receh sewunan kabeh. Banjur mangkat wae bocah kok kesete ngradon! “

“nggih bu... nggih.. niki ajeng mangkat namung kurang nyepatuni sikil mawon.”

“bocah kok sepatunan wae suine ora njamak”.

Wulan bocah nembe wae melbu kuliah ing unnes jurusane pendidikan basa jawa. Wektu kui ibune lagi nyekel gawean nyiapake sarapan isuk.
“buk Wulan mangkat ngampus riyen..”

“ya.. sing ati-ati ora usah mlayu-mlayu mengko mundhak keselen”

“inggih buk... Assalamu’alaikum....”

Wulan bocahe cilik uga ora patia dhuwur  hudu merga kurang pangan nanging nuruni bapakane sing pawakane cilik, dibanding kakang karo adine dheweke paling cilik kulitane kuning. Dheweke bisa dadi pangayom kanggo kakang lan adhine nalika susah. Nanging dheweke duwe semangat paling gedhe antarane sedulur sing loro mau. Dheweke duweni tipe pinter nyemangati wong liya uga nyemangati awake dhewe mulane wulan bocahe ora gampang nyerah karo keadaan. Dheweke ngakoni yen ora dhuwe bakat apa-apa.

Isuk kuwi wulan kuliah berbicara, dosene anggone ngajar mahasiswane kanthi cara diajak.  pacelathon siji-siji diacak.

Giliran Wulan sing ditakoni,
“Saiki Wulan, coba latihan ngomong nganggo basa jawa sing alus sing apik, jawaben pitakonan ku iki”. Kandhane pak dosen

Wulan bocahe pancen senenge cengengas-cengenges, wektu ditakoni kaya mangkono marang dosene, durung-durung wis ngguyu-ngguyu cilik disik. Duwe kesan ora bisa pakem, nanging jane murah gumuyu.

“oh nggih pak, hehe...”

Ya saiki ngene, “ masalah apa sing miturut kowe paling nglarakake ati wul?”

“miturut kula nggih menawi kula saweg sanget perih padharan kula, kula nggadahi karep badhe mlebet kamar mandi nanging saweg kangge pak..”

“wis lumayan nanging perlu bahasamu dibenerake maneh wul, aku bingung apa  maksude jawabanmu kuwi wul? Nek liyane jawabane ya kaya sak mestine, kayata kepethuk mantan wis karo wong liya, nek ora ya weruh gebetan sing di dhemeni malah lagi mlaku karo pacare... iya ta? Kira-kira piye wul?”.

“la menika miturut kula ingkang paling nglarakake ati pak, menawi saweg mules padharanipun  karep badhe bucal ugi sampun playon supados cepet dugi kamar mandi nanging malah sampun kedhisikan tiyang sanes pak. Miturut kula menika sanget perih ing padharan ugi ing ati pak..”

Spontan kanca-kancane padha ngguyu kating cekakak, ana sing diampet amerga isin utawa ora wani.

“amargi kula nggadhahi pamanggih mekaten pak, pengalaman ingkang nglarakaken kados kepethuk mantan sampun kaliyan tiyang sanes, utawi mirsani gebetan ingkang didhemeni malah malah mlampah kaliyan pacare menika sampun biasa pak, lan sampun mesti yen bab menika nglarakaken raos pak. Ananging upami bab badhe bucal menika lak kula raos sami ngrasakaken namung lingsem upami badhe njawab pengalaman menika. Kula menika ngangkat cariyos benten pak”.

“plok..plok..”. suara keploke dosen kang ngapresiasi marang kreatifane uga kewanenane Wulan. Secara ora langsung dheweke bisa ngungguli kancane olehe kendel.

“jebul koe kreatif ya Wul.. bahasane uga wis lumayan apik timbang sing mau”.

“Yawis kuliah dina iki tekan semene lan tugas kanggo minggu ngarep gawe rekaman saka cerkak kang basane krama, dikumpulake nang komting minggu ngarep setel bareng-bareng ana kelas, wilujeng siyang”

Kuliahe Wulan dina kuwi namung sakmakul. Sakrampunge kuliyah Wulan ora langsung bali, nanging dodolan donat disik nang kampus idhep-idhep kanggo sangu. Donat lan gorengan diwadhahi wadhah kotakan putih. Dheweke lungguhan ing korsi njero loby karo ngenteni gorengan lan donate payu.

.....

Sore kuwi Ibune nang ngomah lagi ngasahi, anggoni nyabuni  katel kasi ngos-ngosan amerga anguse njekathek kandel banget.

Saka ngarep lawang katon Wulan bali, kanti gawa wadhah donat sing wis kosong.

“assalamu’alaikum.. saweg napa buk?,
“iki lagek ngasahi, wah laris nduk dodolane? Ya syukur entuk palarisan pira nduk?”

“dereng kula etang bu,

“ya kene tak itunge bubar ngasahi ya..”

“inggih bu, ibuk masak napa? Kula luwe...

“masak asem-asem kae jukuk wae nang meja makan, sakanane ya”

“wah sampun mirasa sanget bu niki bu”. Kandhane karo nyipi janganan.

Bubar nyopot seragam lan resik-resik Wulan banjur mangan. Ora ngerti kenang apa dheweke lagi manganan banget. Ibune sing wis rampung ngasai banjur ngetung duit donat. Ora ngerti kenang apa dheweke lagi manganan banget.

“iki kabeh entuk patangpuluh ewu nduk, kowe entuk bathen pira?”