KELIWENGAN

Dimas bocah umur 17 taun sing manggon ana kelas 3 SMA vaforit sing ana ing kutha Semarang iki mbiyen uripe harmonis, sadurunge bapake entuk promosi saka perusahane dadi menejer. Sadurunge Bapake Dimas dadi menejer ana perusahaan panggonane kerja iki, mbiyen uripe keluargane banget harmonis. Urip rumah tanggane banget seneng. Nanging, kuwi kabeh nalika pak Hartono, bapake Dimas entuk promosi saka panggonan awake kerja. Pak Hartono kena pacoban karo posisi sing dientukke. Pak hartono saiki wani main wong wadon liya. Pak hartono sing mbiyen dadi Bapak lan bojo sing kebak karo rasa asih saiki ilang kabeh kuwi ilang. Pak Hartono saiki wani tumindak serong. Pak Hartono saiki kerep balik tengah wengi lan wani moro tangan marang bojone. Bu Hartono kerep dadi sasaran amuke Pak Hartono nalika lagi ana masalah kantor utawa nlika di curigani bojone nak awake kuwi selingkuh lan liya-liyane.

Meh  saben bengi dimas kerungu tukarane Ibu lan Bapake. Dimas   sing saiki wis manggon ana kelas 3 SMA, sing mbutuhake konsentrasi kanggo sinau iki dadi mbubrah amerga kahanan keluwargane sing kaya mangkana. Dimas sing mbiyen sregep sinau lan ora tau mbolos sekolah iki, saiki awake wis wani mbolos sekolah lan ora pernah sinau. Dimas akeh banget ketinggalan materi sekolah lan materi ujian. Dimas, nalika pamit sekolah saka ibunu awake jarang mlebu sekolah. Awake pamit lunga sekolah, nanging nyatane awake lunga ana panggonan liya. Siti, kanca sekelase bingung amerga wis seminggu luwih Dimas ora tau mangkat sekolah, dimas kerep ditakokke marang guru-gurune amerga ora biyasane dimas kaya mengkana. Ana sekolahan dimas kagolong murid sing pinter lan sopan. Nalika teka sekolah, Siti karo Bagus lunga menyang omahe Dimas, menawa wonge loro. Nanging nalika mrana Dimas ora ana ning omah, Ibuke uga bingung amerga ou esuk Dimas pamit lunga sekolah.

Dimas saiki senenga kumpulan karo bocah-bocah sing ora bener sing ana ing dalanan. Nalika dimas lagi mlaku-mlaku dheweke ketemu karo Badrul sing ngenalna dheweke karo dunia hitam. Nalika kuwi sabibare sekolah, dimas lunga sakayah-kayah ana ndiwae manut olehe sikile jangkah. Nalika kuwi Badrul weruh Dimas lungguh lesu ana taman kota. Nang kana Badrul mulai nyedaki Dimas. Nak kana Badrul menehi rokok dimas sing sempet ditolak nanging mekso diterimo. Kenalane wong loro kuwi berlanjut. Sing awale Dimas diwenehi rokok suwe-suwe tambah malih saiki Dimas uga wani ngombe.

Ibune entuk surat pemanggilan amerga meh sesasi luwih, Dimas ora pernah lunga sekolah. Ibuke kaget amerga saben esuk Dimas pamit lunga sekolah. Dimas sing saben dina mulih bengi iki amerga ora krasan ana omah kerungu wong tuwane tukaran. Wektu iku, awake diamuk entek-entekan karong bapake amerga isin duwe anak kayok dheweke. Dimas ditundhung dikon lunga saka omah. Nalika iku Dimas maneni Bapake yen awake uga isin nduweni wong tuwo kaya Bapake kuwi. Sabenere Dimas sayang lan saake karo Ibune, nak dheweke lunga sapa maneh sing nulungi nalika Ibune kena amuk Bapake. Dimas lunga ana kancane anyar, yaiku Badrul. saiki Dimas ora tau lunga sekolah. Dimas sing mbiyen bocah sing ngerti sopan santun lan tatakrama malih dadi dimas bocah nakal. Dimas saiki wis ora trimo ngrokok lan ngombe maneh, nanging uga kenal karo obat-obat terlarang. Dimas uga diajari Badrul njambret ana terminal lan dalan.

Nalika dimas lan badrul beraksi njambret ana dalan, dasar lagi apes wong loro kuwi konangan wong-wong lan diceluki maling.  Wong loro mlau saparan-paran, nanging dasar lagi apes wong loro mou kecekel lan kena massa. Cah loro mou digebugki lan dikroyok massa, Dimas sing iso ucul saka massa mlayu nanging, ana ngarep dimas ditampani mobil, ketabrak, sikile keplindes mobil.

Nalika udan-udan wayah sore ngarep omah Dimas weruh siji keluwarga sing harmonis banget, sing ndadekake awake kelingan marang keluwargane. Saiki ibune wis ora ana amerga kena serangan jantung nalika awake ninggalna omah lan saiki Bapake wis nikah maneh karo demenane mbiyen. Dimas sing cacat lumpuh urip melu simbahe sing ana ning kampung.